Juli Aierbe Beasain eta Olaberria bitartean kokatuta dagoen Atari Eder baserrikoa da, eta Indar albotik goraka doan errepideari jarraituta aurki dezakegu. Hala ere, Juliren bizibidea ez da beti baserria izan, 90eko hamarkada erdialdera arte hainbat enpresatan lana egin baitzuen.
Baserrian negutegia eta baratza ditu, eta etxe inguruko azoketan izaten da astero, hau da, asteazkenetan Ordizian eta astearte, ostiral eta larunbatetan Beasainen.
Ekartzen dituen produktuen artean, letxuga aipa genezake bereziki, eta garaiaren arabera ekartzen dituen gainontzeko produktuak barazkiak, tomatea, kalabaza, fruituak, lekaleak eta arrautzak dira.